Magical Realism in the Mathnawi of Mem and Zin

پوختە

مەسنەوی مەم و زین لەو چێرۆکانەیە کە سیماکانی ڕیالیزمی جادویی دەگرێتىە خۆی، ڕوداو گەلی سەرەنج راکێش لەم چێرۆکەدا دێتە ێاراوە، وە هەموو روداوەکان ناواقعیش و خیاڵین لە بەستینی چێرۆکەکەدا بە شێوەیەکی تەواو سروشتی و راستەقینە خۆدەتوێنێ بە جورێک که خوێنەر بە ئـاسانى وەری دەگرێ، ئـامانج لەم توێژینەوەیە سەرلە نوێ خوێندنەوەی پێگەی ریالیزمی جادویییه لە مەسنەوی مەم و زین دا. هەر لەم ڕووەوە لەم توێژینەوەیە هەوڵ دراوه که به رێبازی وەسفی شیکاری گرینگترین پێکهاتەکانی ریالیزمی لە مەسنەوی مەم و زین دا تاوتووێ بکرێت، تا لەم رێگایەوە نیشان بدرێت که ئـەحمەدی خانی چۆن بە خستنەرووی ئەم سیما واقیعی و داهێنەرانەی لە گێرانەوەیەکدا بە بەستینێکى تەواو ڕیالیستی خوێندنەوەیەکی ئـاوا نوێ باوی لە هزری ئەبستراکت و رووت لە قالبێکی بەرجەستە بەرهەست هێناوەتە ئاراوه وە ئەنجامی بە دەست هاتووەکان لەم توێژینەوەیە ئەوە دەخەنە روو کە لە مەسنەوی مەم و زیندا بە شێوەی جۆراجۆر توخم و پێکهێنانەکانی ریالیزمی جادویی دەرکەوتووه وە خویان نواندووە کە ئەم پێکهێنانە دەکرێ لە چوارچێوە و قالبی دووفاقی و بەرامبەرکی جیهانی خەیالی و جیهانی واقعیىا شیکاری بکرێت.